Денеска на 8 Септември-Денот на независноста на Република Македонија под мотото „Чувајќи ја традицијата создаваме иднина“ во дворот на црквата Свети Петар и Павле во Смилево се одржа Прва годишна конференција на Унијата на Ветерани на ВМРО-ДПМНЕ“.
На конференцијата свое обраќање имаше Претседателот на ВМРО-ДПМНЕ проф. д-р. Христијан Мицкоски, кој зборуваше за значењето на оваа внатрепартиска организација како за партијата така и за Македонија.
Тој во контекст на конференцијата преку сопцијалните мрежу упати своја порака прекус социјалните мрежи чиј текст го пренесуваме во продолжение:
“Ми претставува особена чест и задоволство што од пределите на славното Смилево ја одбележивме Првата конференција на Унијата на ветерани на ВМРО-ДПМНЕ.
Нека е честито и нека е долговечно постоењето на Унијата која, иако е новоформирана во себе ги содржи зрелоста, знаењето и традицијата кои треба да го водат ВМРО-ДПМНЕ низ сите бури и искушенија. Тие темели го издржаа најголемиот тест, тестот на времето кое кон никого не било дарежливо, а најмалку кон оние кои во срцето, разумот и во своето битие ја носеа Македонија.
Бидете горди, бидете исправени, со пркос, ум и знаење да одговориме на сите искушенија. Сплотени и заедно. Македонија е нашето сѐ. И болка и радост, и пркос. Нашето минато и нашата иднина. Ние одбравме да се бориме и да победиме. Македонија е нашиот заеднички дом. Наше семејство. А од него нема ништо повредно”
-напиша Христијан Мицкоски на својата фејсбук страна.
