Советниците од ВМРО-ДПМНЕ во Советот на општина Делчево по реакциите кои што беа упатени до нив, како и до јавноста и до општинските власти од страна на жители на селото Стамер за акутните проблеми со кои се соочуваат секојдневно, реагираа институционално со советничко прашање до ЈКП “Брегалница” Делчево околу состојбата и можностите за ослободување на селото од фекалиите но и ѓубрето кои се присутни во центарот на селото.
Претседателот на ОК на ВМРО-ДПМНЕ Делчево и координатор на советничката група во Советот на општина Делчево Иван Гоцевски на една од минатите седници побара информации за тоа кога се планира да се доврши канализацијата во с. Стамер, на што доби одговор од директорот Стојче Стојковски дека изградбата на нова канализација во селото е во надлежност на општината и градоначалникот.
За ваквата состојба од Општинскиот комитет на ВМРО-ДПМНЕ Делчево упатија своја реакција во јавноста чиј текст го пренесуваме во целост во продолжение:
“Ако го резумираме одговорот од поставеното советничко прашање од страна на Советничката група на ВМРО-ДПМНЕ Делчево на 11 седница на Совет на Општина Делчево кон надлежните институции кои се под раководство на Општина Делчево, за тоа до каде се работите за доградба на канализационата мрежа и уредување на местото околу селската чешма во село Стамер, можеме да ги донесеме следните заклучоци:
Општина Делчево е надлежна да планира изградба или доградба на канализациона мрежа!
Општина Делчево е надлежна да подготви документација за изградба на истата!
Општина Делчево е должна да обезбеди средства за реализација на истата!
За решавање на потенцираните проблеми од страна на Советничката група на ВМРО-ДПМНЕ Делчево во село Стамер, надлежна е Општина Делчево или поточно Градоначалникот Горан Трајковски, нешто што го потврдува и директорот на ЈКП “Брегалница” Делчево во одговорот!
За жал поради лошото менаџирање на Градоначалникот Горан Трајковски со Општина Делчево, жителите на село Стамер се осудени да ги немаат и најосновните нивни потреби, да тонат во купишта од смет и да ја трпат неподносливата миризма која се шири поради потенцираните проблеми.
За тоа колку нема слух Градоначалникот Горан Трајковски за проблемите на жителите на село Стамер се гледа и од самите слики!”
-стои во реакцијата на општинскиот комитет на ВМРО-ДПМНЕ Делчево.
