Пронајдено е шестодишното дете од Прилеп кое беше пријавено во секторот за внатрешни работи во Тетово како исчезнато на 18-ти мај од страна на родителите.
– Детето го нашле полициски службеници во Скопје. – Детето било предадено и згрижено во соодветна социјална установа во Скопје. Инаку, детето и претходно во повеќе наврати се оддалечувало од неговите родители, но и честопати покажувало знаци и постапки на асоцијално однесување, – соопшти портпаролот на СВР Тетово, Марјан Јосифовски.
Случајот во СВР Тетово
на 20 мај го пријави неговиот татко, 29-годишниот Е.М , каде детето се изгубило
два дена порано додека играло во забавниот парк во спортскиот центар во
Тетово. Тројцата членови на семејството во мај времено дошле од Прилеп во
Тетово каде работеле на собирање старо железо.
