Денеска навивачките групи на повеќе фудбалски екипи ширум Македонија објавија заедничка иницијатива за обединување на сите навивачи за поддршка на Македонија во натпреварот против Косово.
“По денешната средба во Тетово известуваме дека се приклучуваме на заедничката иницијатива за поддршка на историскиот натпревар на фудбалската репрезентација на Македонија против Косово. На состанокот на кој се донесе историска одлука покрај нас присуствуваа Комити, Чкембари, Лозари, Рибари, Паткари, Гемиџии Гостивар, Фаланга, Гемиџии Велес, Ултра банда, Сејмени, Лебари, Ѓаоли…
Средбата се заврши со заедничка хуманитарна акција (донирање облека) во црквата Свети Кирил и Методиј.
За Македонија единствени!”
-стои во соопштението објавено за јавноста во врска со ова своевидно историско обединување.
