Затоа што сонцето е живот, а поривот за живот е длабоко врежан во колективната свест на Македонецот. Ги преживеавме Рим, хунските и бугарските напади, Отоманската империја, СФРЈ. Ја преживеавме транзицијата, 30 години вазалство, корупција, непринципиелност. Преживеавме многу лажни ветувања, предавства, угнетувања “од своите”. Но сонцето се уште свети, неговата светлина канализирана низ шеснаесеткракото сонце допира до сите нас и не потсетува кои сме, а уште посилно ги потсетува оние кои му се противат. Нив веќе не ги заштитуваат ниту озонската обвивка ниту ,,чадорите”, затоа што нивните лица веќе имаат друга боја; останува темнината која им го трасира патот кој води кон самоизолација, стануваат горчина која не може повеќе да се поднесе, биднуваат материја која е спротивставена на единствената ѕвезда во нашиот универзум, и на крајот таа ќе ги стопи во заборав, и ќе остане само трагата како една од лузните која овој народ ја носи во себе.
Ние сме тие кои таа трага треба да ја избришат, ние сме тие кои со нашите дејствија ќе ја користиме таа енергија како единствен извор на живот покрај оној даден од Бога, ние сме тие кои ќе ја искористиме таа моќ за да ги промениме нештата, да го намалиме и уништиме ова емотивно страдање кое безмилосно ни се сервира, ние сме тие –НАРОДОТ. Никој нема да му помогне на народот доколку народот не си помогне самиот. Никој нема да ни ја подари Слободата и достоинството доколку самите не посегнеме кон нив како што со срцата веќе посегнавме.
Се чувствува, не може да се сокрие. Никакви физички сојузи нема да можат да ја спречат духовната сила која ја поседуваме преку заедништвото!
Револуција е еволуција на совеста, Револуција е затоа што борбата за Македонија трае и никогаш не запира, Поробениот народ се бори за Слобода, а потоа слободниот за совршенство. Таа веќе има добиено сосема друга димензија која го надминува времето и просторот. Ниту еден народ на оваа планета не бил изложен на толку силна и долготрајна репресија од сите страни, а притоа да опстоил и да биде компактна целина и неговото постоење да биде закана за оние кои со лажно претставување се обидуваат да го преземат правото на Бога да ни кажуваат кои сме и дали треба да постоиме!
Тоа е наше право и ничие друго. Нашата вистина не е површна туку има корен, корен кој е уште поголем од стеблото на површината. Нашите корења кога ги ништиш на едно место се појавуваат на друго затоа што никој досега не успеал да досегне до нивните длабочини.
Револуцијата е започната, револуцијата има корен, корен кој овојпат ќе има стебло онаму каде што предходното е ништено. Ќе никне на истото место, но ќе има стебло со многу широк обем кој ќе им пркоси на оние на кои отсекогаш им пречело.
Заедно да го зачуваме коренот, заедно да го израснеме стеблото кое ќе даде здрави плодови.
Затоа приклучи се на Сончевата Револуција, кажи и направи нешто добро за Македонија.
#МакедонскоВостание
#СончеваРеволуција
Превземено од: Сончева револуција
