Опозициската ВМРО-ДПМНЕ денеска упати писмо до јавноста со загрижувачка содрќина.
Во писмото се наведуваат поразителните податоци кои се присутни во врска со заразата со Корона вирусот.
Истото го пренесуваме во целост:
“Република Македонија е на второ место по број на заболени од корона вирусот на Балканот, според бројот на жители. Хрватска која е пред нас има 102 заразени на милион жители, а по нас е Црна Гора со 83 заразени на милион жители.
Поради несоодветната грижа во државата 12 проценти од заразените се лекари.
Секој граѓанин мора да се заштитува себе и своите блиски и здравјето на сите граѓани.
Сето ова мора да се надмине, а медицинскиот кадар мора да биде заштитен. Комисијата за здравство на ВМРО-ДПМНЕ го предлага следново:
- Сите здравствени работници да имаат доволна количина на заштитни материјали.
- Да се подготви Бел план за здравствените институции во земјава, за да се подготват за најлошото сценарио. Овој план значи зголемување на капацитетите и разработено сценарио при ескалација на состојбата.
- Масовно тестирање на ризични групи, на повратниците од дијаспората, тестирање на младите преку тестирање на репрезентативен примерок од оваа група, редовно тестирање и планска заштита на лекарите и здравствените работници.
- Организирање на карантини со соодветни услови.
ВМРО-ДПМНЕ како партија која е секогаш на страна на сите граѓани дава поддршка за сите медицинските и здравствените лица и ќе ја поддржи секоја мерка која ќе значи поголема заштита лекарите и здравствените работници
Владата е должна и мора да обезбеди доволно ресурси да се заштити медицинскиот персона, да се обезбеди сигурност и здравствена заштита за секого, затоа што секој живот вреди!”
