Денеска во Центарот за култура “Бели мугри” во Кочани ќе биде отворена изложбата на академскиот сликар Новица Трајковски.
Неговата изложба е насловена под името „Старите камени мостови во Македонија“ што е дел од циклусот изложби која уметникот ја нарекол “Убава е Македонија”.
Новица Трајковски е роден 21.12.1962 во населба Илинден, Скопско.
Средно уметничко училиште завршува во Скопје,
Ликовна академија во Скопје во класата на професорите Димитар Кондовски и Родољуб Анастасов.
Има остварено над 50 самостојни изложби и многу групни изложби во земјава и надвор од неа.
Член е на ДЛУМ, живее и работи како слободен уметник во своето родно место.
За неговата изложба тој самиот ќе каже:
„Целото мое сликарство е посветено на божествената љубов бидејќи сето она што не опкружува, вклучително и нас е дел од неа. Јас како роден Македонец и православен христијанин ги сликам убавите предели од мојата родна земја, Македонија и сè што ме инспирира од неа, па оттаму, циклусот го нареков „Убава е Македонија“.
„Старите камени мостови во Македонија“ е дел од тој циклус и со него се претставувам со моја самостојна излжба во салон фоаје на во Центарот за култура Бели мугри во Кочани.”
Свечено отварање: 15.11.2019година (петок) со почеток од 12:30 часот во Салон-фоајето на Центарот за култура во Кочани.
Влезот за сите заинтересирани граѓани е слободен.
