Во просториите на РЦЗ Делчево денеска се одржа третата работилница во рамките на проектот “Стратегија на општина Делчево за соработка со граѓанскиот сектор”.
Во рамки на работната агенда помеѓу останатите активности предвидено е разгледување на драфт верзијата на самата стратегија помеѓу присутните претставници на ЕЛС Делчево и граѓанските организации кои активно работат помеѓу граѓаните на Делчево.
После оваа фаза Стратегијата ќе биде ставена на јавен увид на веб страниците на РЦЗ Делчево и ЕЛС Делчево при што сите граѓани ќе можат да дадат фидбек по основ на предложениот текст на документот за потоа да се усвои конечната верзија на овој стратешки документ кој е од огромна важност за развојот и афирмацијата на работата на граѓанските организации во општината.
