Најмалку 28 лица загинаа, а 20 се водат за исчезнати во источна Кина по лизгање на земјиштето предизвикано од тајфун поради кој беа евакуирани повеќе од милион лица. Тајфунот Лекима предизвикал тропска бура и ветрови со брзина од 187 километри на час.
Од Шангај биле евакуирани 253 илјади луѓе, а илјадници летови беа откажани и возови на железничките пруги. Речиси 200 возови кои поминуваат низ градот Јиан во покраината Шандонг се откажани до утре.
Од последиците на тајфунот уништени се 173.000 хектари имот и 34.000 домаќинства во Џејијанг, соопштуваат кинеските локални власти.
