Денеска на Конститутивната седница на новиот Македонски парламент во својата пратеничка клупа седна пратеничката од третата изборна единица која што го привлече вниманието на гласачите но и целокупната Македонска јавност во изминатиот период со својата континуирана посветеност, огромна трудољубивост и залагање за исполнување на зацртаните цели.
Младата 34 годишна Македонка по потекло од Петровец дефинитивно е новото лице на политичар преку кој што ќе се поистоветат голем број млади Македонки кои што кај себе ги носат вистинските Македонски вредности. Убавината и насмевката на Марија дефинитивно одат рамо до рамо со нејзината карактерност за посветен деец за подобар живот на граѓаните. Нејзината кроткост која е типична одлика на секоја Македонска млада личност нека не ве измами затоа што станува збор за вистински борец кога се во прашање интересите на Македонските граѓани.
Марија Петрушевска е родена 14 јануари 1986 г. во Скопје, Република Македонија.Марија Петрушевска e политиколог, која додипломските студии ги посветува во изучување на политичките науки при Правниот факултет во Скопје а подоцна го продолжува своето образование како стипендист „Габриела Конеска-Трајковска„ на Секретаријатот за европски прашања и магистрира од областа на дипломатијата и меѓународна политика.Повеќе од 10 години од професионалниот живот работејќи во Секретаријатот за европски прашања го посветува на прашања поврзани со политиките на ЕУ, евроинтегративниот процес на Македонија, едукација и обука на јавната администрација, невладиниот сектор и младите за користење и спроведување на европските фондови. Во период 2009-2013 е избрана за Советник на ВМРО-ДПМНЕ во Советот на општина Петровец и именувана за заменик градоначалник на Општина Петровец. Во овој период дополнително придонесува за локално-економскиот развој, образовниот сектор, младинскиот активизам, социјалниот и културниот развој на општината.
Во периодот од 2015-2016 е избрана за член Комесар на Европската христијанска политичка младинска мрежа (ECPYN) каде заедно со останатите членови комесари ја изработуваат “Стратегијата за млади 2020” на ECPYN. Во 2016 во Берн, Швајцарија истата е усвоена од членовите на Генералното Собрание на ECPYN.Марија Петрушевска има посетено бројни обуки, семинари и Академии. Имено, таа е алумна на “Роберт Шуман” Институт за политичка едукација на млади десничарски лидери каде во 2018г. и учествува на годишната алумни Конференција за “Визијата на Европа 2019” во Будимпешта, Унгарија. На тема “Децентрализација” се едуцира на Академијата за локална самоуправа во Хаг, Холандија. Како млад истражувач во 2015 г. на тема поврзана со предизвиците на Балканот и конфликтните прашања на ЕУ, учествува на “Баку Форум”во Баку, Азербеџан. Како професионалец зема учество на семинари, обуки и студиски програми во Македонија и во институции на земји членки на ЕУ за зајакнување на капацитетите на јавната администрација во креирање на политики и искуства за унапредување на процесот на европска интеграција на Македонија. Во 2015 г. се стекнува со статус сертифициран обучувач преку проектот за реформа на јавната администрација на МИОА поддржан од Британска амбасада на тема “Стратешко лидерство” и “Управување со учинок”. Истата година успешно го завршува семинарот на тема “Странски инвестиции за одржлив развој на Македонија” во Пекинг, НР Кина.Во 2005 г. Марија со своите сограѓанки, активистки од општина Петровец, ја основаат Унијата на жени на ОК Петровец. Во моментот извршува функција Претседател на Општински Комитет- Петровец на ВМРО-ДПМНЕ и член на Централен Комитет на ВМРО-ДПМНЕ.Марија е горда тетка на Јована и Марко. Сака велосипедизам и трчање. Зборува англиски јазик (активно) и француски (пасивно). Верува дека доаѓа Обновата на Македонија во која ќе владее правото и правдата затоа што тоа го заслужуваат сите граѓани и Република Македонија.
