Долгогодишниот активист и поборник за афирмација на правата на Македонската заеднициа во Австралија и ширум светот, Др Ицо Најдовски -Перин во програмата на радио ZZZ од Мелбурн го искажа својот став околу најавеното гостување ансамблот Танец кое ја разбранува македонската јавност во Австралија кое за едни е само уметничко друштво а за други уште еден обид да се промовира терминот на “с”.
Лавина од реакции на Македонците во Австралија но и насекаде во светот на социјалните мрежи, говорат за тоа дека тие гостувањето на Танец го гледаат како промоција на новото уставно име на нашата држава и сметаат дека целиот настан всушност има политичка позадина.
„Која е потребата „Танец” да доаѓа во Австралија со државни пари кои се земени од народот? Зошто Заев плаќа 50 авионски карти, сместување и и исхрана за Танец? Ние не гледаме потреба од култура, барем сега, да се носи во Австралија од Северна и да се промовира името како такво кај другите етнички заедници! Ние немаме потреба од брза култура, затоа што во Австралија имаме над 20 Македонски културно уметнички друштва кои ја негуваат македонската песна, оро и фолклор уште со формирањето на друштвото „Светлост“ во 1960 година. И затоа Македонците ќе го бојкотираат Танец затоа што доаѓа со политичка агенда. Да ја разнебити и Македонската заедница како што се разнебиди Македонија и македонскиот народ. Инаку, Танец бил наш гостин неколку пати и јас сум бил еден од организаторите. Ние сметаме со парите кои ги одделил Заев преку Министерството за култура за „Танец“ да гостува во Австралија, многу подобро ќе биде да им помогне на болните кои мака мачат да си ги купат билките од аптека. На нив нека им ги додели парите, а не да го праќа „Танец“ да прави поделби и уништување на единството на Македонската заедница. Ние такви како Заев имаме видено многу и кога жестоко се боревме против разузнувачките служби на Југославија, Грција и Бугарија. Кога на нив им париравме успешно и не им дозволивме да го нарушат единството на Македонците од сите делови на етничка Македонија и сега нема да дозволиме Заев да ни пушта вода под рогузина. Овие поединци кои не ја почитуваат волјата, ставовите и барањата на Македонската заедница ги маргинализиравме, а ќе го почувствуваат тоа во текот на концертите. Не се исклучуваат и протести на самите концерти и порадикални пораки, “
-вели Најдовски кој порачува:
Ние сметаме со парите кои ги одделил Заев преку Министерството за култура за „Танец“ да гостува во Австралија, многу подобро ќе биде да им помогне на болните кои мака мачат да си ги купат билките од аптека.
Дополнително Ицо Најдовски на својот фејсбук профил упати уште неколку свои лични аргументи за најавениот бојкот на Танец во Австралија:
“Зошто треба Танец да се бојкотира:
- не излезе јавно или тајно во одбрана на името на Македонија!
- не реагираше кога името на Танец беше сменето со “Национален”
Затоа #BoycottБојкот”
“А, преименување на името на „Танец“ од „ансамбл за народни игри и песни на Македонија“ во „национална институција на народни игри и песни на Северна Македонија“, е всушност базичната причина поради која што еден културен настан се става во политички контекст, и надвор од едно реално уметничко вреднување, ансамблот во случајов се доживува како колатерална штета.”
-соопшти Најдовски во уште два наврати.
