Во 02 часот и 30 минути утринава на улицата „Димитар Влахов“ во Кочани, после бензинската на Лук Оил, се случила сообраќајна незгода помеѓу патничко моторно возило „Мазда“ управувано од 38-годишниот Д.Г. од селото Уларци и патничко моторно возило „Поло“ управувано од 46-годишниот З.Л. од село Спанчево.
Во незгодата со тешки телесни повреди се здобил возачот З.Л. кој по укажаната помош во Јавна здравствена установа Кочани е пренесен во Клинички центар Скопје, а со телесни повреди се здобил возачот Г.Д. кој по укажаната помош е пренесен во Клинички центар Штип.
Увид на лице место извршила екипа од Полицијата од Кочани, при што од возачите земена е крв за анализа, а возилата задржани за технички преглед.
