Другари, пријатели, Градоначалниче, советници, Претседателе на совет, културни активисти, сограѓани, професионалци и аматери во културниот живот…….онака само гласно си размислувам, ама патем и анализирам и препорачувам….
Изминативе две години во Кочани се случија низа на културни настани кои почнаа полека да го извлекуваат градот од сивата зона на провинцијализмот како ментална карактеристика, зона во која хибернираше безмалку 3 декади.
Културниот живот беше комплетно уништен и сведен на маргинално живуркање на Домот на Културата… кој само се соживеа со таа културна зачмаеност. Но, ете, од пред две години се појави една нова екипа на урбани луѓе кои искрено сакајќи поинаков културен концепт започнаа со низа активности кои само минатата година резултираа со организација на десетина концерти, театарски претстави, изложби, перформанси… е, да…со кино проекции потфрлија АМА, верувам ќе се насочат и кон тоа. Културниот бренд на градот – ДАФ, наеднаш доби нова сила, нова визија и се отворија нови предизвици.
Некогаш престижниот фестивал, па потоа идентитетски изгубениот, наеднаш се возобновува – со европски компетитивни предизвици. Затоа, очекувањата кај со децении духовно опустошуваната кочанска публика, пораснаа и не смеете да си дозволите повеќе да ги изневерите…..веќе Кочани започна да мириса УРБАНО, артисти од многу држави за првпат стапнаа во Кочани… па и низ државата започна да се зборува за еден НОВ КУЛТУРЕН ГРАД и нова нова културно едуцирана публика која знае да препознае реален, критички настроен и професионално изработен културен производ.
Зошто го пишувам ова?
Се ближи летниот период кога се случуваат и најмногу културни настани во Кочани…..ете ќе почнам со ДАФ, брендот на градот. И само кроки поглед на програмата ветува дека линијата на урбано и креативно воскреснување на фестивалот продолжува. Се ближи и празникот на градот -Петровден.
Вообичаено и по овој повод има културни случувања….концерти. И тука има мало поместување во однос на годините но СТРАВОТ дека може да се направи погрешен чекор е присутен и реален. Во настојувањата за масовност може да се “забега” во непотребен популизам.
Квантитет по цена на квалитет не е препорачливо решавање на било која равенка со непознати. Минатата година,за една локална ТВ изјавив… Кочани ја има приликата, на планот на културните случување, да се воздигне до ниво да прерасне до реален ЦЕНТАР на КУЛТУРАТА во ИСТОЧНИОТ дел од Македонија. Само доколку и понатаму вистинските луѓе – претпазливо и со културен сенс ги придвижуваат работите….но Внимавајте да не се испуштат конците…….ГОРДОСТ е дека Кочани не дозволи наплив на ТУРБО ФОЛК и ТУРБО ПОП со кој беше преплавена Македонија, не дека не доаѓале но не биле сериозно поддржани финансиски од општината. Горд сум на фактот дека овде не стапнале нит Северина, нит Цеца нит разни Јоксимовичи, Ковачевиќи, Шерифовиќи и слични контаминирачи на чистиот воздух. Со таа квалификација градот ТРЕБА ДА СЕ ГОРДЕЕ, и да продолжи да ја негува приказната за културно незагадена оаза. Град на органската КУЛТУРА.
Така и го познаваат низ републиката, градот на ДАФ, оризот и градот кој не ги отвори широко портите на квази забавата. Верувам дека раководството на градот има сериозен пристап кон возобновување на Културните вредности во општината со која раководи. Верувам дека има развиено чувство на моралност и знае што значи општествената одговорност и пред себе и пред своите поколенија.
Летото вообичаено се случуваат и Денови на оризот, па и новиот фестивал Нов Град… прекрасна можност низ неколку настани, да се понуди квалитетна-едукативна-информативна и естетски издржана програма.
Направете се што е во ваша моќ ДА СЕ ГОРДЕЕМЕ СО ГРАДОТ, сите, и оние кои живеат во него, и оние кои само повремено доаѓаат и оние кои само го носат во срцето.
Фејсбук статус на Тошо Филиповски
