Последниов период сме сведоци на нестабилно време, проследено со обилни врнежи од дожд кое предизвикува непријатности на пешаците но и бара голема внимателност на возачите.
Голем број на возачите се невнимателни при возењето , и покрај таа невнимателност најмногу страдаат пешаците. Граѓаните реагираат дека многу често се наоѓаат во ситуација каде голема количина нечиста вода од насобраниот дожд завршува врз нив, а тоа најчесто се случува по тротоарите и по пешачките премини.
За да бидат казнети несовесните возачи мора да бидат фатени во моментот кога го извршуваат прекршокот.
Според правилата, возачот што се движи по коловоз на кој има вода, е должен да го приспособи возењето така што нема да ги испрска пешаците, велосипедистите и моторџиите. За да можат пешаците да докажат дека се испрскани е да го задржат возачот што ги испрскал додека дојде полициска екипа, па потоа тој да го признае делото.
Според законот граѓаните можат да пријават прскање од несовесни возачи на телефонскиот број 192, а казната за ова дело е 35 евра или 15 негативни поени впишани во возачката дозвола.
