По трет пат Мечувалечки клуб Ескрим ќе ја организира Хуманитарната трка за деца со Даунов синдром, која ќе се одржи во Градски парк во Скопје во недела, 24-ти март, со почеток во 11 часот. Секоја година сѐ повеќе луѓе се вклучуваат во поддршка, да ги охрабриме овие херои, и нашето општество да стане едно исто.
„Ова се нашите витези, ова се нашите шампиони!“
– вели Билјана Кузмановска, организатор на трката.
Се очекува незаборавен настан кој ќе прерасне во традиционална манифестација која ќе ги поддржува лицата со Даунов синдром. Хуманитарната трка за деца со Даунов синдром се одржува по повод Светскиот ден на лица со Даунов синдром.
Сите средства собрани ќе се искористат за доопремување на дневниот центар за лица со Даунов синдром.
