Оваа недела истокот од Македонија пулсираше во ритамот и убавината на традицијата.
Зад нас е уште еден меѓународен фолклорен фестивал 37 по ред “Истибањско Здравоживо” кој што се реализираше во Истибања.
Настанот кој што привлече огромен број на учесницви и посетители беше организиран од Фолклорниот Ансамбл “Китка” од село Истибања а под покровителство на градоначалникот на општина Виница Миле Петков.
Импресиите од фестивалот се уште се сумираат, но едно е јасно: Се додека има Македонски народ, се дотаму ќе има Македонска традиција и идентитет!
“Во средата заврши уште еден успешно организиран настан под покровителство на Општина Виница и во организација на ФА “Китка”, 37-от Меѓународен фолклорен фестивал “Истибањско здравоживо”.
Благодарение на овој значаен фестивал се потсетуваме на убавината на изворните македонски песни и ора, на нашата традиција, на нашите корени, а посебно сме задоволни што учесниците – претставници од различни држави од Европа имаат можност да го запознаат нашиот менталитет, а нивното присуство допринесува кон заживување на целиот регион во овој период.”
-информираше градоначалникот на општина Виница Миле Петков во врска со самиот настан.
