Со Божја промисла и човечка заложба денес Недела 03.06.2018 година на светиот празник посветен на “Свети Цар Константин и Царица Елена” беше осветен камен темелникот на новиот Божји храм-црква која ќе се гради на врвот на планината Голак (Чавка 1536 мНв).
Осветувањето го направи Неговото Високо Преосвештенство, Митрополитот Брегалнички Господин Иларион во присуство на ктиторот на новата црква и голем број на граѓани од општествениот живот во Делчево, Виница, околните општини и пошироко во државата.
Ктитор на црквата е младиот Мите Стојковски- делчевец кој живее во Скопје со неговото семејство.
На свечениот чин присуствуваа Министерот за земјоделие шумарство и водостопанство Љупчо Николовски, Пратеничката од СДСМ во Македонскиот парламент, Мира Стојчевска, Градоначалникот на Делчево Горан Трајковски и Градоначалникот на Виница Ивица Димитров.
Изградбата на црквата ја работат познати и признати мајстори градители на ваков вид на објекти од Мала Преспа, Албанија.
[Best_Wordpress_Gallery id=”14″ gal_title=”Камен темелник, црква Голак”]
