Женскиот фудбалски тим Тиверија од Струмица е новиот освојувач на трофејот во фудбалскиот Куп на Македонија во женска конкуренција, откако стана победник во финалето кое се одигра на стадионот на ФК„Кит-го“ во Пехчево против ЖФК Драгон од Скопје со неверојатен резултат 5:0.
По првиот дел, струмичанки имаа еден гол предност, но во второто полувреме му ставија крај на мечот со уште 4 погодоци плус.
Трофејот за освоениот Куп на Македонија на фудбалерките на ЖФК Тиверија им го додели членот на Управниот одбор на Фудбалската федерација на Македонија, Светозар Станковски.
Ова е прв пат ФФМ да организира едно големо финале во крајниот исток и тоа во Пехчево, еден позитивен чекор плус за спортот во овој регион.
