По серијата на обвинувања од страна на СДСМ Виница кон локалните власти во општината, со своја реакција во јавноста се обратија од Општинскиот комитет на ВМРО-ДПМНЕ со која ги разобличуваат лагите врз основа на која што од локалната опозиција сакаат политички да профитираат пред граѓаните:
“За 4 години оставија ПУСТОШ во општината и ЈП “Солидарност” за денес да обвинуваат за катастрофално решавање на инфратсруктурните проекти, промовирање на “нивни” проекти и лошо работење на ЈП!
Со кој образ!? Одиме по ред да ги разобличиме нивните ЛАГИ!
Проектот Обезбедување на пристојни услови за домување на Ромската заедница во општина Виница били нивни и реализиран 2021 година!?
Овој проект до промена на локалната власт беше завршено само поплочување и осветлување на улицата, додека сите други активности како реконструкција на куќи, градба на тоалети, канализациона мрежа, потпорен ѕид, легализација на најголем дел од куќите се завршени отпосле. И обврските кои ги имаше општината од 800.000 денари ги исплати градоначалникот Миле Петков.
Проектот Затворен градски пазар катастрофално се решавал!? За 6 месеци откако фрлија по една лопата бетон, еден милиметар не се поместија градежните активности, за се’ што е завршна ситуација до сега околу 4.000.000 денари е исплатено оваа година од градоначалникот Миле Петков.
Проширувањето на Филтер станицата за вода во Виница и поврзувањето на с.Лески со виничкиот водовод бил завршен и нивни проект!? За овој проект доградбата и опремувањето на филтер станицата е извршено по промена на власта, а поради неквалитетна изработка водоводната линија до с.Лески дополнително е извршено замена на водоводно црево во должина од 500 метри. И секако за обврските на општината од 3.000.000 денари не платија НИТУ ДЕНАР и истите остануваат обврска на новата локална власт.
Реконструкција на Кино салата катастрофално се менаџирал!? Овој проект кој го започнаа уште 2019 година само што направија беше отстранувањето на кровот со што беше нанесена голема штета на внатрешните простории во зградата додека се друто е реализирано после промената на локалната власт. За обврските од 4.000.000 денари немаат платено НИТУ ДЕНАР и тие остануваат да се исплатат од новата локална власт.
Слога ќе ја внесуваа во прва лига. Оставија милионски долгови кои новата локалната власт покрај тековните обврски за Слога го исплаќаше и долговите во висина од 2.000.000 денари, се’ со цел Слога до самиот крај да се бори за влез во Прва лига.
Обвинуваат за неефикасно ЈП “Солидарност” и неисплатени плати на вработените за месец мај!? Го Оставија ЈП со ЕДНО исправно возило за собирање отпад, со милионски долгови, заостанати плати на вработените и неисплатени регреси, долгови за електрична енергија и обврски спрема добавувачи. ЈП кое општината претходно 2 години еден денар му нема исплатено, за разлика од новата локална власт кое на месечна основа го помага финансиското работење на ЈП “Солидарност”.”
-стои во интегралниот текст на реакцијата на ОК на ВМРО-ДПМНЕ Виница.
