На денешните новинарски прашања поврзани со делувањето на ВМРО-ДПМНЕ во врска со постапката за најавениот референдум од страна на Зоран Заев, Портпаролот на ВМРО-ДПМНЕ, Димче Арсовски во некколку наврати одговори дека партијата ќе делува внимателно врз основа на тековниот развој на настаните.
Во продолжение го пренесуваме во целост транскриптот од новинарските прашања и одговори на портпаролот на ВМРО-ДПМНЕ:
Новинарско прашање 1: Дали до Понеделник ќе присуствувате на Седницата која е најавена за Референдумот и како евентуално би гласале и дали во пресрет на референдумот вие подготвувате некаков тип на кампања и кој би ја финансирал за тоа што основен предлагач е Собранието и нели кампањата за Референдумот ќе се врши со државни пари. Дали вие нешто планирате како понуда?
Одговор: Како што одговорив и вчера на вашите колеги што истото прашње ми го поставија, за сите наши идни чекори во тој поглед ќе дознаете следствено, како доаѓаат настаните, вклучително и за Понеделник.
Новинарско прашање 2: За изјавата на Шекеринска, вчера која рече дека доколку Референдумот не биде успешен, институциите тогаш сами ќе одлучат, дали имаат право така да постапат?
Одговор: Не би ја коментирал изјавата, би оставил да почекаме и да видиме што ќе се случи и дали ќе има помрднување од состојбата која што е во моментов па понатака ќе можеме да дискураме и на другите теми.
Новинарско прашање 3: Рековте дека ќе информирате следствено како ќе се одвиваат настаните, меѓутоа Референдумот најверојатно ќе биде распишан во Понеделник, т.е за два дена. Дали може јавноста да знае која ќе биде улогата на ВМРО-ДПМНЕ во референдумот?
Одговор: Да почекаме до Понеделник и веднаш потоа ние ќе излеземе со наш став и ќе го кажеме нашиот став и понатака ќе ја видат и медиумите и граѓаните нашата улога како ќе се поставиме.
Новинарско прашање 4: Дали постои консултации помеѓу ВМРО-ДПМНЕ и власта околу референдумското прашање и околу карактерот? Дали работните групи работат на тоа?
Одговор: Нашиот став во однос на прашањето веќе неколку пати го кажавме. Tој е јасен и според законските норми и европските начела во моментов како што знаете од таму каде што застана на лидерската средба нема никакво помрднување.
Новинарско прашање 5: Премиерот Заев рече дека нема да бара оставка од министрите затоа што, ќе го парафразира, “Aко побара оставка за такви случаи ќе немало кого да назначуваат за министри”.
Одговор: Жалосно е ако на еден премиер на држава и претседател на политичка партија единствени луѓе со кои што може да работи во неговото друштво во Владата се луѓе кои се фатени во очигледен криминал каде испумпуваат народни пари. Така да нема што повеќе да се каже, самиот кажува се во неговата изјава.
