Според расположивите информации на заедничката фотографија со Еврокомесарот Јоханес Хан од Конгресот на ЕПП во Хелсинки, се поставува логичното прашање:
Во кое својство беа присутни тројцата гости од Македонија кои се дел од исклучените членови на ВМРО-ДПМНЕ?
Имено двајцата поискусни политичари Никола Тодоров и Петар Богојески своите пропусници на фотографијата ги имаат скриено под своите сакоа, но на одметнатата пратеничка од ВМРО-ДПМНЕ, Емилија Александрова не и текнало тоа да го направи па на виделина излезе нивниот статус со кој тие присуствувале на оваа важна конференција на Европската народна партија.
На нејзината пропусница пишува “Гостин” (Guest) што во целост фрла нова светлина за намерите според кои вчера во јавноста на твитер се обрати Јоханес Хан, во обид да го наруши непопустливиот карактер на актуеното раководство на ВМРО-ДПМНЕ околу непромената на Уставното име на Република Македонија.
Имено одредени структури во редовите на ЕПП сакајки да ја нарушат улогата на Христијан Мицкоски како легитимен Претседател на ВМРО-ДПМНЕ, заедно со неговата придружна официјална делегација преку оркестрирани хајка и напади од повеќе страни, со оваа т.н. втора делегација со статус Гости сакаа да ја нарушат цврстината и непопустливоста на Претседателот Мицкоски во однос на актуелниот процес за промена на Името на Република Македонија.
Ваквите бледи обиди за влевање раздор во ВМРО-ДПМНЕ се иницирани и контролирани од еден центар на моќ, кој инвестирал многу пари и енергија во актуелниот процес за уништување на народот и државата на чиј што браник непоколебливо стои Претседателот Мицкоски со актуелното раководство на ВМРО-ДПМНЕ.
Едно е сигурно! Македонското постоење е нападнато од многу помоќен противник кој сака да ја избрише нашата историја и идентитет. ВМРО-ДПМНЕ заедно со Македонскиот народ секогаш било и ќе биде на браникот на Македонските национални интереси, без разлика на големината и силината на противникот.
