Од утре започнува најголемиот музички настан во Брегалничкиот регион за ова лето кој ќе се реализира во Македонска Каменица.
Платото пред црквата Успение на Пресвета Богородица и градскиот плоштад во Македонска Каменица ќе биде музички епицентар на регионот цели три дена во чест на Денот на рударите, големиот христијански празник помеѓу народот позната како Голема Богородица.
Утре Петок (26.08.2022 година) со почеток во 20.00 часот музичкиот спектакл ќе го отворат музичката дувачка сензација Џамбо Агушев со неговиот оркестар, по што сцената ќе им припадне на Пере Нокаут, за целосно уживање и забава на крај на вечерта ќе се претстават Игор Џамбазов и Гуру Харе бенд.
Наредниот ден во Сабота на 27-ми август е посветен на неизбежната и незаменлива македонска традиција со богат колорит на фолклорни друштва и мизика и настапи инспирирани и родени од Македонската традиција. Секако во духот на европските и добрите меѓународни односи кои ги негува Македонска Каменица ќе настапат пред присутната публика и фолклорни групи од Бугарија и Србија.
Безвременскиот глас на Вера Милошевска-Јосифовска и Македонскиот музички бенд “Љубојна” ќе понудат незаборавен музички перформанс во заедништво со магичната сценографија која ја нуди монументалноста на црквата Успение на Пресвета Богородица.
За крај на вечерта но не помалку блескави од целокупната понуда на оваа манифестација ќе настапат Поп-Рок бендот Ареа со нивниот своевиден концертен кам-бек пред Македонската публика.
Третиот ден во недела на 28 Август е крешендото на оваа незаборавна манифестација кога е најавено да настапат дувачката денс сензација Brass Brothers, Ѓоко Јовиќ и Енерџи Бенд како и балканската музичка ѕвезда Петар Грашо.
Се на се, градоначалникот на општина Македонска Каменица заедно со КИЦ Романса и тимот околу себе за оваа година нудат динамично музичко шоу буквално за сите граѓани на Македонска Каменица но и пошироко во регионот во тек на три денови колку што ќе трае самата манифестација.
Ова според организаторите се Концерти кои не се пропуштаат, затоа бидете таму!
