Електронскиот отпад од домаќинствата и бизнис секторот веќе не само во светски рамки туку и на локално ниво станува еден од поголемите проблеми со загадувањето на животната средина.
Во пресрет на ваквиот предизвик локалните власти во општина Македонска Каменица предводени од градоначалникот Димче Атанасовски како пионери во оваа свера се зафатија системски и на долг план со справување со оваа закана од загадувањето со електронскин отпад.
“Според Меморандумот за соработка потпишан од страна на општина Македонска Каменица, ЈП Камена Река и Елколект ДОО Скопје, со цел подигање на јавната свест и подобрување на животот на граѓаните преку селектирање на електронски и електричен отпад, денеска беше извршена акција за подигање и транспортирање на собраниот отпад од собирната станица во кругот на Јавното претпријатие.
Општина Македонска Каменица и ЈП „Камена Река“ како претпријатие задолжено за јавната чистота и комунална хигиена во градот им се заблагодаруваат на граѓаните кои своите дотраени елетрични апарати ги оставаат во собирната станица, тоа да продолжат да го прават и во иднина, со што активно ќе бидат вклучени во подобрувањето на здравата и чиста средина во нашата општина.”
-информираат од Јавното Претпријатие “Камена Река” од Македонска Каменица во врска со ваквата активност.
