Од центарот за комуникации на ВМРО-ДПМНЕ до јавноста упатија соопштени со кое ги демаскираат намерите на актуелната власт на СДСМ со зголемувањето на минималната плата да наспроти реалната состојба во економијата во целиот Брегалнички регион како и пошироко во државата.
Во продолжение ја пренесуваме писмената реакција од ОК на ВМРО-ДПМНЕ од Штип:
Наместо СДС да се фали со минималната плата како статистички податок, требаше да работи на креирање реална плата.
Но, за да станат работите појасни, мораме да го акцентираме следново:
– Поимот и политиките за „минимална плата“ се воведоа од страна на ВМРО-ДПМНЕ;
– Минималната плата во време на ВМРО-ДПМНЕ континуирано растеше, базирано на трошоците за живот и економскиот раст.
Минималната плата е формулирана несистемски и набрзина, без анализа на економијата и бизнисот. Истата не соодвестува со состојбата во економијата заради лошите политики на СДС кои не предизвикаа позитивно раздвижување во економијата, напротив имаме пад на продуктивноста и индустриското производство.
Меѓутоа, за да ги заштити интересите на социјално загрозените граѓани, ВМРО-ДПМНЕ гласаше за донесување на Законот за минимална плата, но потсетуваме дека истиот треба да соодветстува со реалната состојба во економијата и да е во предвиден сооднос со просечната плата. Оваа мерка што се носи пред избори, е само предизборна манипулација, со која се замајуваат граѓаните од загрозените социјални категории и постои опасност истата да не профункционира.
На ваквата реакција претходеше соопштение на ОО СДСМ од Штип во кое меѓу другото се вели:
Единаесет години ВМРО-ДПМНЕ со прст не мрдна за да ги покачи платите во
образованието, а денес со измислени формули и операции лажат за реалниот раст на
платите во образованието.
Со новото покачување на платите во образованието веќе од први јануари 2020 г. ги
разбиваме лагите на ВМРО-ДПМНЕ: За две и пол години од мај 2017 до август 2019
просечната плата во образованието СДСМ ја зголеми за 2.100 денари.
Претходно за цели седум години до 2010 до 2017 година просечната плата во
образованието пораснала за едвај 850 денари.
Платите во образованието и сите други сектори растат, а ВМРО-ДПМНЕ не може да се
помири со тоа.
