,,Кога молчиме, стануваме неподносливи, рече Едгар, кога зборуваме стануваме смешни”.
Вака започнува сочинението на еден Нобеловец, кој освен Животни во срцето, ни отсликува уметничка големина на Содржина, онаа во општеството наместо Форма за медиум.
Слично, и овој нашиов ,,Нобеловец”, преку неформатирана дефиниција а и без неа, преку гафови и јазични аномалии не воведе во еден идентитетски прашалник, лавиринт или излез?Во таа бура на социо-политички мерки се офајдија само крупните ѕверки, а малите нивни останаа на куси ракави а надвор Северно?!
Лошо зараснатиот пост-социјалистички Македониум како и после секои Избори така и сега, после пребројани Ваши и Наши, вредни и дилетанти, донесе многу фактури…тие што ги знаеме де!
За другите од највисоко ќе се плаќа. Имате измешани чувства, имате туѓи а свои, имате гласови а немате Глас!?
Поминаа како поминаа, за некого-Бојкот, за некого-Глас…
Не било пишано да вреднува заслуга, но по кодошлук, имате светски шампиони!
Надвор е ладно, грми, истура…ко на Северна полутопка, а тоа само политика на полутка на утовена маторица!?
Имате храброст, а немате памет!
Имате памет, а немате м…а?!
Да имаш, па да немаш?!
Така и тој, недокажан Нобел на старото раководство на новата европска елита, ја тера но дал ја претера?!
Во секој град, во секое село имате реален спој на пост- социјализам и несреден лажен алтруизам, во суштина муабет пред продавница, вага за тендер а не за напредок.Ако политиката од Север на Југ по Ваше е подвиг, што ви е во главата како економија?
Не ми текнува?
Ама не ви текнува ни Вам!
Еден проект! Само еден!
Само една инвестиција а да надминува селски асфалт од 50 м или градска шахта без железен обрач?
Само толку ли? Ментална?
Матрица?
Инфективна ментална матрица?
Така и Вие:
,,Кога молчиме стануваме неподносливи, кога зборуваме стануваме смешни”.
Молчењето е злато во состојба на работна акција и здрава социјална политика, а кога имате Појава на медиум имате смеа…
А народ гледа!
И метларот досега научил дека каменот одблизу доаѓа. Дека опонентите се со дистинкција и граница на дејствување а внатрешните немири се резултат на лошата крвна слика на вирусоносителот..да, да.
Метларот си знае и чул дека:
,,Сам, таква е победата”
Фактурите до 15-ти!?
Рубриката “Глас од истокот” на нашиот портал се реализира со цел за афирмација на интелектуалната мисла на поединци-Македонци кои имаат што да кажат за актуелните општествени текови во државата. Ги охрабруваме сите граѓани во Македонија и надвор од неа по суштествено да се вклучат во создавање на поубава приказна за Македонија и за Брегалничкиот регион.
Од денес (среда) започнуваме со нова подрубрика “Во среда со Гоце” која ја реализираме во соработка со Гоце Марков-колумнист , Македонец и Човек.
