ВМРО-ДПМНЕ со граѓаните на задолжителен референдум ќе се бори против Бугарскиот договор на Зоран Заев потпишан во 2018 година кој што е коренот на сите анти национални политики и одлуки кои се носат од страна на власта.
“Дали сте за напуштање на важноста на Законот за ратификација за Договорот за пријателство, добрососедство и соработка меѓу Македонија и Бугарија објавен во Службен весник од 18.01.2017?”
е прашањето кое што ВМРО-ДПМНЕ го формулираше и го потврди на синоќешната седница на Извршниот Комитет на ВМРО-ДПМНЕ.
Референдумот е единствената законски предвидена и системски признаена алатка дури и од непријателите на Македонскиот идентитет и постоење, што одлуките од него ни тие нема да можат да ги игнорираат. Како врв на демократијата преку референдумот народот може директно да упати порака пред историјата за вака значајно прашање кое што е дефинирано во Договорот меѓу Македонија и Бугарија од 2018 година.
-Веднаш јасно да посочам ВМРО-ДПМНЕ поддржува интеграција на Македонија во рамките на Европската Унија без никакви дилеми, но ВМРО-ДПМНЕ не поддржува асимилација, промена на историски факти, откажување од посебноста на јазикот и идентитетско обезличување. Праксата досега покажа дека Владата и Ковачевски не ја говореа вистината кога велеа дека историските прашања не се тема на разговор, не само што се тема на разговор тие станаа и услов за Македонија да напредува кон ЕУ, што самото по себе преставува една не фер позиција која македонската влада на штета на целата држава и одејќи надвор од својот мандат ја прифати. При тоа суверенот во државата, народот не беше ниту прашан, ниту пак Ковачевски има мандат да ја става Македонија во подредена позиција. Да не зборувам што Македонија попушти за името, попушти за Бугарија, попушти за преговарачката рамка, а за возврат не доби ништо. Напротив животот е се потежок, енергетската криза и инфлацијата ја разорува државата и носи сиромаштија,
-соопшти синоќа Претседателот на ВМРО-ДПМНЕ Христијан Мицкоски по одржувањето на седницата на ИК на ВМРО-ДПМНЕ.
Целата изјава на Мицкоски ја пренесуваме во продолжение:
