Интегрален текст на прес конференцијата на Јован Тозиевски од ОК на ВМРО-ДПМНЕ Ресен:
Деновиве во Преспанскиот крај заврши овогодинешната берба на јаболката. Граѓаните на Ресен и Преспа како чесни и вредни луѓе, луѓе кои макотрпно работат за да обезбедат подобра егзистенција за своите семејства очекуваа многу од власта.
Кога во предизборието во својата програма ветуваше многу за земјоделците од овој крај. И додека власта на СДСМ се занимава со продажба на националните интереси, Преспанчани едвај врзуваат крај со крај.
Во моментов во Ресен еден килограм индустриско јаболко се откупува за еден денар, пари кои не ги покриваат ниту трошоците за транспорт до индустриските капацитети. И додека поминува многу лошо со индустриското јаболко за конзумното јаболко нема никаква најава за откуп.
Само за време на берба, земјоделците потрошија повеќе од два ипол милиони евра. Кои сметаа дека ќе ги повратат со продажбата на нивниот род. А, замислете колкави се трошоците за целокупното годишно производство.
Ветувавте нови пазари, а ги нема ни оние традиционалните. Дали знаете дека 60% од вкупното производство на овошје во Република Македонија потпаѓа под производството на јаболка. Дали државата не гледа никаков интерес во ова производство?
Господа од власта, симнете се на терен за да ја видете вистинската состојба, а не да присуствувате само на нарачани средби на кои присуствуваат само вашите поддржувачи.
За вакво европско земјоделство зборувате цел изминат период. Ова се вашите европски вредности. Ситуацијата во Преспа е алармантна, а земјоделците се при крај со трпението.,
