Со дефиле низ улиците на градот и со целовечерен гала концерт на учесниците во Виница заврши 32 издание на Меѓународниот фестивал “Истибањско здраво-живо“. На фестивалот учествуваа над 500 фолклористи од 7 земји од Европа и 6 фолклорни групи иансамбли од Македонија.На завршниот концерт кој се одржа на градскиот плоштад во Виница синоќа, присутните ги поздрави и им се заблагодари градоначалникот Емил Дончев. -Драги наши гости од Турција, Романија, Бугарија, Словачка, Србија, Црна Гора, почитувани наши гости од неколку града во Р.Македонија, почитуван директор на манифестацијата, драги пријатели, чест и задовослтво ми е да ве поздравам и да ви заблагодарам што со своето учество допринесовте и оваа година фестивалот да блесне во својот препознатлив сјај кој години наназад му дава белег на фестивалот како една од најуспешните и најорганизираните културни манифестации во Виница, рече градоначалникот на виница Емил Дончев кој ја затвори манифестацијата..
