Денес, на пругата Романовце – Куманово кај стојалиштето Превој се случи голема железничка несреќа, во која за голема среќа нема човечки жртви, но предизвикана е огромна материјална штета. Од товарен воз со вкупно 20 вагони, дури 12 вагони излетаа од шините. Глетката на пругата е страшна. Ова е втора ваква голема железничка несреќа во изминативе 3 години откако СДСМ е на власт. Не многу одамна во 2019 година, во близина на Куманово исто така 15 вагони излетаа од шините. За жал до ден денес нема никаква одговорност за милионските финансиски штети, предизвикани од таа железничка несреќа.Како комисија за инфраструктура, урбанизам и транспорт на ВМРО-ДПМНЕ, во повеќе наврати реагиравме и предупредувавме дека прашање на време е кога ќе се случи ваква железничка несреќа. Владата на СДСМ има несериозен и расипнички однос кон железниците во нашата држава кој резултира со вакви настани. Не одржувањето на пругите и железничките возни средства доведува до вакви катастрофи кои освен финансиска може да имаат и човечка загуба. Наместо да се инвестира во ремонти на пругите и возовите, МЖ Транспорт набави скапа луксузна лимузина, за да може удобно да се возат директорите. Ете тоа е СДСМ.
После овој немил настан, се поставува прашањето, што ако на местото на товарниот воз беше патнички воз со патници? Колкава ќе беше трагедијата доколку имаше барем една човечка жртва? Кој ќе ја превземеше одговорноста? Дали и овој настан ќе се забошоти како и оној од 2019 год.?
Доколку владата на СДСМ продолжи со игноратскиот однос кон железниците во Македонија за жал се почесто ќе имаме вакви немили настани. Што поскоро оваа неспособна Влада треба да си оди од власт, а на нејзино место да дојдат стручни кадри кои максимално посветено ќе работат за обнова на се што е до сега уништено. Но, и одговорност за уништувачите, бидејќи без одговорност нема напредок!
