Зијадин Села не ги подржува концертните настани на Владата за наводната покана во НАТО , дел од одлуката е затоашто немало албански изведувачи.
“ Ние како Алијанса за Албанците-Куманово, првично сметаме дека граѓаните на Куманово или од цела Македонија немаат економски и социјален луксуз да слават со концерти низ цела Македонија, кога се знае дека парите за нивна организација се земени од даноците на граѓаните и дека во ова време кога државата се соочува со тешка социо-економска криза, мислиме дека пологично ќе беше еден посериозен проект дека таргетирањето ќе беше запирање на егзодусот на младите и на сите граѓани кои наголемо ја напуштаат земјата. Сепак, со оглед на тоа што Владата одлучи да прослави на овој начин преку концерти, тогаш на овие концерти требаше да учествуваат и албански изведувачи и пеачи, во конкретниот случај од Куманово. Куманово е познато како место со богата култура и мешавина на пејачи од различни музички жанрови, како и место каде што има културно уметнички друштва кои функционираат и ја застапуваат албанската култура низ светот, додека организаторот на овие концерти не увиде дека е неопходно да покани барем еден или два албански пејачи од Куманово да се појават на овој концерт. На граѓанскиот концепт промовиран од страна на СДСМ, Македонија едно општество за сите, му излегува последнната боја, и тоа е токму овој концерт кој покажува дека граѓанинот Албанец нема право да слуша албанска музика кога организатор е неговата земја. Ова уште еднаш покажува и докажува несериозниот или навредувачки и понижувачки пристап што го има овој систем кон Албанците а во конкретниот случај кон албанската култура, додека во однос на албанските претставници во Министерството за култура, тие и понатаму остануваат фигури и делувааат како администратори иако токму министерот за култура во овој случај е Албанец.”
-изјави Села.
