Во недела (31,01,2021 година) вчера – неработен ден на сите владини и локални институции, цела партиска свита во име на институциите и функциите платени со парите на сите граѓани беа во Кочани и кочанско со цел промоција на изграден пат во должина од 2 километри. Генералниот секретар на СДСМ во улога на Заменик премиер на Зоран Заев, Потпретседателот на СДСМ Оливер Спасовски во улога на Министер за внатрешни работи, Благој Бочварски во улога на Министер за Транспорт и врски “појачани” со Заменик- министерот Трајан Димковски, директорот на платежната агенција Никица Бачовски и Зуица Ангелова од Центарот за развој на Источен плански регион, ВО НЕРАБОТЕН ДЕН- НЕДЕЛА, со ангажирани службени возила, лично обезбедување и останати државни ресурси промовираа пат од 2 километри изградени со парите на сите граѓани…
По обидот за градење на партиски ПР помеѓу жителите на Кочани, со државни ресурси во село Оризари, дел од присутните партиски функционери на СДСМ потоа присуствувале во штабот на СДСМ Кочани каде што продолжиле со реализација на своја партиска агенда.
За ваквата злоупотреба на државни ресурси и функции на државата во функција на промоција на партиски активности на СДСМ своја реакција упатија и од Општинскиот комитет на ВМРО-ДПМНЕ од Кочани.
Претседателот на ОК на ВМРО-ДПМНЕ Кочани Мирче Стојков на прес конференција од партискиот штаб ги запраша партиските функционери кои се на функции во владата колку чинела ваквата посета на Кочани?
Целиот текст на прес конференцијата на Мирче Стојковски го пренесуваме во продолжение:
“НИКОЛОВСКИ, СПАСОВСКИ И БОЧВАРСКИ ГИ ИСКУПУВААТ ГРЕВОВИТЕ ВО ОРИЗАРИ
По повод празникот на Оризари , Свети Атанасиј, вчера на 31.01.2021 година во Оризари и Кочани присуствуваа заменик-претседателот на владата Љупчо Николовски, министрите за внатрешни работи и за транспорт и врски Оливер Спасовски и Благоја Бочварски, заменик-министер Трајан Димковски, потоа директор на Агенција за финансиска поддршка Никица Бачовски, директорката на Источно плански регион Зуица Ангелова. Исто така имаше присуство и на друга локална и централна свита од СДСМ. Министрите запалија свеќа и се пофалија за изграден пат во должина од 2км.
Почитувани граѓани можете да претпоставите сами колку чини вчерашната посета на владините и локалните претставници ако ги земеме во обзир само обезбедувањето и службените возила. Каде беа тие кога во Скопје имаше протест пред ЈО поврзан со случајот ,,Монструм’’. Исто така ќе ве потсетиме дека во време на ВМРО-ДПМНЕ се реализираа проекти како експресниот пат Штип – Кочани со должина од 28 км, со четири ленти, вреден 21 милион евра. Се изградија повеќе локални патишта и правци како : пристапите кон Кочани и Оризари, кон Долни Подлог, кон Тркање, патот кој води до браната Гратче, патот кон локалитетот Дабот во село Бели, Оризари – Врговци, патот до Лешки, патот кон Јастребник, Пониква и многу други проекти. Доаѓањето на министрите во Кочани нема да го убеди народот во лажната борба против корупцијата, криминалот и непотизмот.
СДСМ е петта година на власт и досега требаше да испорача барем некакви резултати. Оваа година го добивме како држава најлошото место според индексот за перцепција на корупција според ,, Transparency international ‘’, а тоа е 111 место. Има ли подобар доказ за вашата клептоманска политика. “
-соопшти Претседателот на ОК ВМРО-ДПМНЕ – Кочани Мирче Стојков.
