Историја

ФК Брегалница е оформена 1921 година, и преставува гордост на сите штипјани. Своите натпревари ги игра на Градски стадион Штип, кој има капацитет од 6000 гледачи. Во својата историја Брегланица има настапувано и во 2 Југословенска лига, а со независноста на Македонија, Брегалница станува член на 1 МФЛ (Прва Македонска Фудбалска Лига), но иста сезона 1992/93 таа испаѓа од лигата. По неколку сезони минати во второлигашка конкуренција, клубот повторно се враќа во 1 МФЛ, во сезона 1996/97 и сезона 1997/98, во која по 13 кола, се откажува од лигата. После ова доаѓа еден црн период за клубот, кој во сезона 1999/00 испаѓа од 2 МФЛ (Втора Македонска Фудбалска Лига), и неколку сезони игра во 3 МФЛ – источен регион. Но сепак клубот и ова го пребродува и успева да се врати во 1 МФЛ. Моментално ФК Брегалница игра во 1 МФЛ (Прва Македонска Фудбалска Лига).

Верната навивачка група на штипска Брегалница го носи името Фаланга. Нивната верност се покажа за време кога играа во 3 МФЛ – Источен регион, кога на трибините на Градскиот стадион во Штип, се собираа и по 2000 гледачи. Најголеми ривали на Фаланга, се навивачката група Сејмени, кои го бодрат ФК Осогово од Кочани. Лидер на навивачката група е Стојанче Коциќ т.н. Цоцо со помошник Сердал Алиов кои успешно си ја вршат задачата и одлично помагаат на екипата како дванаести играч