Новелата на Франк Херберт “Дина” (eng: Dune) е една од највисоковреднуваните литературни дела кои што некогаш се напишани од областа на научната фантастика. Оттука нејзината филмска адаптација на големото платно отсекогаш била “светиот грал” во индустријата за забава.
Многу филмски автори се обиделе оваа филмска адаптација да ја пренесат на филмското платно но поради редица на причини не успеале. Минисеријата на Syfy од 2000 како и се уште контроверзната филмска адаптација на Дејвид Линч од 1984 година се воспоставениот стандард до сега, но јавноста наголемо е убедена дека овие два обиди не успеале да ја оживеат магијата од светот на Френк Херберт.
Сега на потег е Денис Вилнев (Denis Villeneuve) режисерот на високооценетите филмови “Пристигнување” (eng: Arrival) и Блејд ранер 2049 (eng: Blade Runner 2049) кој е режисер на долгоочекуваната филмска адаптација чија што светска премиера ќе се случи на 18 декември оваа година.
За армијата обожаватели на светот на Дините на Франк Херберт вчера беше објавен и првиот официјален трејлер, кој што според она што може да се види во него побликата ја очекува вистинско “возење” низ галаксијата на херберовата имагинација.
Ѕвездената актерска екипа и имињата застапени во оваа продукција се навистина големи, но предизвикот пред кој што се сите исправени е уште поголем.
Останува да видиме колку овој филм кој што е најавено да биде во два дела ќе биде доследен на магијата содржана во книгите на Френк Херберт.
