Во врска со последните големи поскапувања кои удрија по семејните буџети на сите граѓани во државата своја реакција во јавноста упати Претседателот на ВМРО-ДПМНЕ Христијан Мицкоски.. За лидерот на најголемата опозициска партија директно одговорна за ваквата лоша состојба е владата на СДСМ и Димитар Ковачевски како резултат на нивната неспособност.

“Власта јавно кажа дека знаеле за агресијата врз Украина пред 4 месеци, што значи дека одговорна власт би се подготвувала за ценовен и економски шок.Но, тие пропуштија да се занимаваат со тоа што е најважно за граѓаните, нивниот стандард.

Она што денес се случува во Македонија не е одраз на војната во Украина, туку последица на неспособната Влада.

Поскапувањето на бензините е жесток социјален удар врз граѓаните во секој поглед, врз вработените, невработените, земјоделците, индустријата, стопанството. Не е време за изговори. Владата итно да се откаже од половина од акцизата која ја добива од горивата и да го прифати предлогот на ВМРО-ДПМНЕ кој е заглавен низ собраниските лавиринти за намалување за 50 проценти на акцизата. 43% од цената на бензините се давачки кон државата за секој литар гориво. Да се намали ДДВ за храна. Наместо 5 проценти даночна стапка за храна, да е нула проценти и бараме за парното да се намали на нула.

ДДВ-то на електричната енергија до крај на годината да остане на исто ниво на 5%И многу важно, раст на платите во јавниот сектор преку усогласување на коефициентот на тежина на работната сила со веќе договореното со колективните договори.”

-соопшти во својата писмена реакција упатена во јавноста Христијан Мицкоски- Претседател на ВМРО-ДПМНЕ.

Пари во буџетот има, нека престанат да крадат, нека се стопираат непродуктивните трошења, набавките за златни чинии, нека се контролираат јавните трошења.