Земјотрес со јачина од 5,1 степени според Рихтеровата скала го погоди регионот Молизе во централна Италија. Овој потрес бил најсилниот во серијата од девет земјотреси кои го погодиле тој дел на Италија, пренесува агенцијата АП и Американскиот геолошки институт. Епицентарот на најсилниот земјотрес бил во близина на Монтечилфоне, каде предизвикал материјални штети, испукани ѕидови на куќи, балкони, а едно дете е повредено откако од страв скокнало од тераса, наведува новинската агенција.
Според податоците на италијанскиот сеизмолошки институт, тој регион за само неколку часа бил погоден од девет земјотреси, од кои најсилниот бил тој од 5,1 степени, додека останатите биле со јачина од 4 до 2,5 степени.
