Во петок во градскиот парк во центарот на Делчево повеќемина граѓани самоиницијативно се сретнаа да ги разменат своите размислувања и идеи кои се важни за опстанокот на Македонскиот народ и Република Македонија.
До делчевската и целокупната Македонска и светска јавност упатија повеќе пораки кои ги пренесуваме во целост:
Собрани сме денеска повеќе граѓани на Делчево да размениме свои размислувања и идеи кои секој од нас смета дека се особено важни за опстанокот на Македонскиот народ и Република Македонија во целост.
Соочени сме пред неизвесноста на претстојниот референдум за промена на Името и Уставот на Република Македонија.
Длабоко во себе како граѓанин на Република Македонија сум против ваквата промена дефинирана во Договорот од Нивици и сметам дека само со бојкот т.е. со неизлегување на гласање на денот на референдумот, граѓаните на Република Македонија ќе можат да си го зачуваат своето вековно име со кое се поистоветува секој горд Македонец.
Гледаме дека актуелната власт предводена од Зоран Заев водена од лични интереси, агитира гласање ЗА референдумското прашање, при што тенденциозно го занемарува фактот дека е можен и Бојкот на референдумот.
Бојкотот на референдумското изјаснување т.е. неизлегувањето на референдумот сметам дека е најдемократско право, согласно уставот на Република Македонија и е подеднакво важно со правото за гласање ПРОТИВ или ЗА на референдумот.
Знам дека граѓаните на Делчево и цела Македонија трпат секојдневни уцени, поткупувања па се до притисоци и закани дека ако не излезат да гласаат на референдумот ќе бидат казнувани и прогонувани од институциите на државата. Сакам да им порачам на целокупната Делчевска и Македонска јавност дека ваквите закани од страна на претставници на власта се знак на нивна слабост и немоќ да го спроведат она за што беа донесени на власт во државата.
Никој не смее да биде повикан на одговорност ако не излезе на гласање т.е. ако го бојкотира референдумот, затоа што тоа е негово право.
Јас верувам во мудрата одлука на секој Македонец без да потпаѓаат под ничие влијание и ничии уцени, поткупи или закани.
Затоа од сите нас заедно зависи каква Македонија ќе им оставиме на идните генерации.
Мојот личен избор е #Бојкотирам.
Изборот на овие луѓе околу мене е #Бојкотирам.
Со Господ напред ќе ја зачуваме Република Македонија.
На средбата присуствуваше и Драган Стоиловски кој што е по потекло од Делчево а по баба и дедо од делчевското село Драмче. Тој како претставник на Координативното тело на Македонската дијаспорго за Бојкот на референдумот од Швајцарија го изрази своето лично задоволство што токму од Делчево од пред споменикот на Македонскиот револуционер Гоце Делчев, идејата за спас на името Република Македонија се манифестира во јавноста како никаде на друго место.
Тој во оваа прилика одговори на повеќе прашања кои се особено важни за актуелните политички случувања поврзани околу обидот за насилна промена на Уставот и идентитетот на Македонскиот народ.
Погледнете го одговорот на повеќе новинарски прашања во продолжение:
На социјалните мрежи се појави и амблем на оваа идеја која ја споделуваат овие луѓе од Делчево:
