Светски познатото дуо „2Cellos“ во својата турнеја наречена „Score“, со невиден спектакл и прекрасна атмосфера ја запалија преполната „Вип Арена Борис Трајковски“ во Скопје. Концертот беше во организација на „Авалон Продукција“,и дефинитивно еден од најдобрите и најочекуваните концерти оваа година.
Публиката уживаше во необичната и совршена изведба на светски познатите хитови „Smooth Criminal“, „My Heart Will Go On“, „Game of Thrones“, „Pirates of the Caribbean“, „Thunderstruck“, „Smells like teen spirit“, како и многу други, во придружба на извонредни светлечки и пиротехнички ефекти.
За време на последната изведба, огромната публика направи „ѕвездено небо“, слушајќи ја „With or without you“.

Фотографија – А. Момироска


