Пред околу 8 месеци насила, со уцени, закани, потплатувања (различни форми на рекет) и предавства- јавни и тајни, актуелната власт на Зоран Заев во Парламентот на Република Македонија предизвика состојба за промена на Уставот на државата и го промени името на Република Македонија.
Следуваше (до сега) период на ПР инжинеринг за дефокусирање на народот со секојдневните деструктивни политики кои ги спроведуваше власта, што по насока на сценаристите на филмот “Северна” мораа да го одработат марионетите. Деструктивноста во матрицата на размислување кај рецедитивите од поранешниот комунистички режим кои за себеси сметаат дека се предодредени да го владеат овој народ, е само дополнителен адут во рацете на сценаристот, кој создаде ситуација за корумпирање на повеќе целни групи кои се дел од Македонското национално ткиво со нивни сопствени пари од Буџетот на државните фондови.
Како резултат на внимателно структуриран процес сега на актуелната власт и’ следува период на детронизирање-симнување од власт (ко божем како резултат на нивните политички глупости, додека самите тие глупости се внимателно инструментализирани од страна на механизмите за влијание во институциите на државата).
Ваквиот процес е дополнителен ПР ефект за создавање на алиби пред гласачкиот електорат на СДС како и мнозинството неопределени граѓани кои го решаваат изборниот резултат.
Големината на процесот за ОДБРАНА на проектот “северна” ќе биде уште по изразен во периодот што следува.
Падот во опозиција на СДС е неминовен токму како резултат на ПЕРФЕКТНОТО сценарио кое има за цел да го одржи продуктот “северна” во наредните неколку години на пат кон ЕУ интеграциите со алиби дека така е најцелисходно согласно Македонските “стратешки интереси”.
Токму во таа насока одат и заканите на Мицотакис дека Грција има право да ја блокира својата северна “кралица на тротоарот во ефтин црвен фустан” на пат кон ЕУ преговорите во било кое поглавје.
Купувањето на време од страна на сценаристот е на штета на интересите на Македонскиот народ кој е цел на континуиран асимилаторски етноцит комбиниран со модерни методи, сретства и тактики на војување.
Напалмот од 1949 година е претворен во терабајти компјутерски информации кои му ја одредуваат судбината на народот.
Интелектуалната “елита” во цела држава се сведува на неколкумина (не повеќе од 20-тина) слободоумни умови кои ја гледаат суштината на проблемот и за тоа говорат во јавност, согласно просторот кој им го овозможуваат кооординираните медиумски центри кои во хор ја блеат песната за “северниот рај” на југот од Европа.
И тоа каков рај!?
Цел еден народ се брише од мапата на етно-географскиот простор познат од памтивек под името Македонија, под постојана закана за:
-Војна (внатрешен дестабилизирачки фактор)
-Сиромаштија (која де-факто е присутна цел овој период а се продава како рај на земјата преку инструментите за пропаганда),
-Феудална контрола (пробајте да направите нешто што сметате дека е добро за вас и вашето семејство, и ќе ги видите сите можни механизми кои ви ги ограничуваат граѓанските и човечки права),
-Обезвреднување на вредностите со кои располага државата т.е. народот (човечките ресурски преку интелектуалниот капацитет-уништено образование и физичка работна сила-уништен здравствен и социјален систем, но и природни богатства со кои изобилува Македонија- пред се чиста пивка вода за пиење, рудни богатства, благопријатна микроклиматска состојба за произвотство на храна, стратешки поволната местоположба врзана со клучните светски сообраќајници и трговски коридори кои од памтивек овде опстојуваат и редица други аргументи)…
Егзистенцијата на уценетите Македонски семејства ширум државата е на удар…
Од друга страна се нудат благодети од системот купени со народни пари кои овозможуваат комформизам и благонаклонетост со удопствата на “северниот рај”.
Особен акцент како столб на целата индоктринација претставува пасивизацијата која се прави врз било кој облик на несогласување со “плодовите на модерните трендови” на демо(Н)кратијата во државата.
Само едно нешто не му оди во прилог на сценаристот, а тоа е вистината…
А вистината е поважна од се друго!
Македонија постоела и ќе постои.
Македонскиот народ ќе опстои!
Никогаш (терминот на с)
САМО МАКЕДОНИЈА.
ПС. И самата формулација “САМО МАКЕДОНИЈА” во овој скандограм (Никогаш терминот на с само Македонија) е дел од пропагандното сценарио што некои политички структури го наметнуваат во јавност.
Вистинскиот проблем против кој е свртена целата оваа армадила, лежи во суштината на терминот “Република Македонија” кој значи Републикански модел на управување на Македонија каде секој поединец (Македонец) е важен во контекст на заедничките интереси на Републиката.
Превземено од Фејсбук.
