Вчера (понеделник 30-ти Септември 2019 година) со почеток во 18.00 часот пред Канцеларијата на делегацијата на ЕУ во Република Македонија и Македонското собрание во Сккопје се одржа масовен собир на граѓани.
Собирот беше најавуван претходно на социјалните мрежи од страна на повеќе граѓани индивидуалци и неколку фејсбук групи и фан страни од Македонија но и од странство под паролите:
“Не за Преспанскиот договор! НЕ! за ЕУ, НЕ! за НАТО”
со цел за одбележување на годишнината од одржувањето на Референдумот за промена на името на Република Македонија кој што се одржа пред една година токму на овој датум, организиран од страна на актуелната власт предводена од Зоран Заев и СДСМ.
Од она што можеше да се забележи на самиот настан беше спонтаноста на учесниците во собирот, кои главно на неорганизиран начин индивидуално зедоа учество помеѓу присутните граѓани. Имаше и помали групи на организирани учесници кои броеја максимум 30-40 со свои симболи и обележја на идентификација, но преовладуваше генералниот впечаток дека мнозината присутни граѓани се дојдени спонтано одзвани на повикот на организаторот на настанот. Дополнително можеше да се забележи отсуството на високи политички претставници од поголемите партии во Република МАкедонија.
Настанот официјално започна пред канцеларијата на Делегацијата на ЕУ во Скопје за потоа граѓаните во организирана поворка да се упатат пред Македонскиот парламент.
На собирот можеа да се слушнат скандирања
“Никогаш (терминот на с, Само Македонија”, Македонија, Македонија, при што беа прочитани и неколку декларации и прогласи на неколкуте организации кои учествуваа во народниот собир.
Интересен факт поврзан со одржувањето на овој настан е што истиот беше игнориран од страна на сите телевизии како национални концесионери така и локални и регионални тв и радио станици.
Ваквата слика е уште повеќе изразена кај поголемите и афирмирани интернет портали во државата што го наметнува прашањето, кој стравува од објективно информирање за самиот настан како и пораките кои беа упатени од истиот.
Настанот беше обезбедуван од органите на редот и мирот во МВР на достојно и професионално ниво.
