Во интервју за порталот Вечер.прес, генералниот секретар на ВМРО-ДПМНЕ Игор Јанушев говори за повеќе актуелни теми од политичкото секојдневие кое се случува во Република Македонија.
Вниманието на јавноста е концентрирано кај случаите на корупција во редовите на актуелната власт, по недобивањето на датумот за преговори со ЕУ, за чии што причини повеќе експерти причините за ваквата состојба ги лоцираа токму во отсуството на владеење на правото и коруптивните зделки во државата.
На прашањата:
Имате ли вие како партија докази за нови продолженија на „Рекет“? Ќе ги објавите ли доказите за вмешаност на високи функционери во аферата ? Зошто уште чекате?
-Игор Јанушев одговара:
” Нема лага која до сега ја ширеше СДСМ, а да не им се врати како бумеранг, секоја една невистина им се распрсна како меур од сапуница. И ние оставаме да видиме до каде ќе оди ова лудило, да видиме до кога самите ќе тонат во жив песок. Шака криминалци ни ја водат државата и мислат дека раководат со судбините на луѓето. Па, мислат дека нивните злодела нема да се дознаат.
НЕ БИ ОДЕЛ СО ДЕТАЛИ, НО СЕКОЈДНЕВНО НАМ НИ ПРИСТИГААТ ИНФОРМАЦИИ ЗА АФЕРИ, СВЕДОШТВА НА ЛУЃЕ ЗА ПРИТИСОЦИ И ЗАКАНИ, ЗА КОРУПЦИЈА ВО СИТЕ ЕШАЛОНИ. И ТОА СО ДОКУМЕНТИ, ФАКТИ, ЛИЧНИ СВЕДОШТВА. И СÈ ШТО ИМАМЕ ЌЕ ОБЈАВИМЕ, НО МУДРО ЌЕ ГИ УПОТРЕБИМЕ ТИЕ ИНФОРМАЦИИ. „РЕКЕТ“ ИМА ПРОДОЛЖЕНИЈА, НО СО ОВА ОБВИНИТЕЛСТВО ТИЕ НЕ МОЖЕ ДА ИМААТ ПРАВЕН ЕПИЛОГ. СЕ СЛУЧИ „РЕКЕТ 2“, И ЕВЕ ДА ЗАПРАШАМ ДО КАДЕ Е ТОЈ СЛУЧАЈ, НЕМА ИНФОРМАЦИЈА ДЕКА ОБВИНИТЕЛСТВО ВООПШТО ОТВОРИЛО ИСТРАГА ЗА ОВОЈ ПРЕДМЕТ. ИМАМЕ АФЕРА „ВИРУС“, КАДЕ ШТО ЧОВЕК СО ИМЕ И ПРЕЗИМЕ ПРИЗНАВА ДЕКА ПОСРЕДНИК ОД АГЕНЦИЈАТА ЗА ЛЕКОВИ БИЛ ПРАТЕН ДА БАРА МИТО ЗА ДА СЕ ТРГУВА ИЗВЕСЕН ЛЕК, ВЕЛИ ГЕНЕРАЛНИОТ СЕКРЕТАР НА ВМРО-ДПМНЕ.
И не само што нема истрага, нема ниту институционална реакција. И верувам дека нема да има само Рекет 2, туку и Рекет 3, и останати продолженија од кои јавноста ќе биде зграната за степенот на забеганост на власта и нејзиниот степен на лукративност и криминализираност. И овие афери нема да бидат исти како владините лажни вести туку вистински реални скандали,”
– додава Јанушев.
