Генералниот секретар на ВМРО-ДПМНЕ со свое обраќање во јавноста укажува на неколку дилеми кои се присутни во јавноста во врска со набавката на респоратори за поддршка при дишење за потенцијалните заболени лица од Корона вирусот. Ваквата набавка ја најави Министерот за здравство Фенкофилипче за после само еден ден да соопшти дека пратката е заглавена од страна на Владата на Бразил обелоденувајки го индиректно добавувачот на опремата.
Целата реакција на Игор Јанушев ја пренесуваме во продолжение:
“Во ситуација кога Скопје е новиот епицентар на корона вирусот со 36 случаеви и кога вирусот се шири низ целата држава (Дебар, Штип, Гостивар, Охрид, Кавадарци … Филипче освен со фактографски податоци за ситуацијата преку “голиот” популистички PR, не заборави и да ја искористи вонредната ситуација за да “истера” уште некој тендер! Народски кажано: “Дно дна”!
Пред 2 дена (19.03.2020 година) Филипче вели дека постапката за набавка на респиратори не е завршена и дека допрва следи процесот на аукција на намалување на цените … и дека не е точно дека нешто се држи во тајност или се користи некаква ситуација.
Вчера (20.03.2020 година) истиот тој Филипче … или можеби Венко … вели дека проблемот е што машините во овој момент се запрени во Бразил со одлука на нивната влада. Со интензивна комуникација на МНР и нашиот амбасадор во Бразил се обидувале таа бројка на машини да ја ослободат. Тоа е единствениот (добавувачот) кој што може да ја достави бараната бројка на респираторни машини за многу краток период.
Внимавајте, во помалку од 24 часа, Венко Филипче прво тврди дека набавката е во тек и се уште не е направена аукција, а веќе следниот ден дека веќе е одлучено од Бразил да стигнат респиратори!
И додека Венко Филипче е “изгубен во простор и време” за буквално се, освен за тендерите, еве – чисто за пример, што превземаат властите во Хрватска: арената “Загреб” се подготвува како секундарен центар за оние пациенти кои немаат тешка клиничка слика, односно за пациенти со средно тешка клиничка слика на кои не им е потребен кислород и други интензивни мерки на лекување, а во истовреме хрватската армија подигнува шатори и експедитивен камп пред болниците за сместување на заболени пациенти.”


