Денеска од страна на наделжните, во работа беше воведен економскиот оператор кој ќе врши преадаптација на дел од просторните капацитети на Здравниот дом во Пробиштип за потребите на воспоставување на дом за стари лица во Пробиштип.
Инвестицијата е финансирана од страна на Министерството за труд и социјална политика, без дополнителни задолжувања кон надворешни извори на финансии, соопшти Градоначалникот Драган Анастасов Ладич.
Отварањето на домови за стари лице е потреба гледано од повеќе аспекти речиси во сите општини во Брегалничкиот регион, со оглед на се помасовното исселување на помладото работоспособно население во странство и растечкиот број на возрасно население.
“ℹ️ Денес го воведуваме во работа економскиот оператор кој во рамки на Здравствениот дом „Нада Михајлова“ во Пробиштип ќе ја реализира преадаптацијата на неискористениот простор во Дом за стари лица.
Вредноста на Проектот, кој е целосно финансиран од Министерството за труд и социјална политика, е 5️⃣5️⃣ милиони денари.
Домот за стари лица е со капацитет за 5️⃣4️⃣ корисници, а рокот за изведба на проектот е 1️⃣2️⃣ месеци од денот на воведување во работа.
✅ Со ова реализираме уште едно капитално и клучно ветување кон Вас почитувани сограѓани, без да ја задолжиме Општината ниту еден денар кон инвеститор, банка или институција.
✅ Водиме грижа за сите, а особено за онаа генерација кој го градела Пробиштип и на која овој Проект и го ветивме.
Проблемите на нашите сограѓани кои не се во можност да се грижат за своите родители поради најразлични причини го решаваме на едно пристојно ниво, со економски исплатлива цена.
✅ Силно и без дилеми продолжуваме понатаму да се грижиме за сите генерации и да работиме за уште поголем процент на реализација на нашата програма, за да ја направиме општина Пробиштип убаво и спокојно место за живеење”,
-напиша на фејсбук градоначалникот на Општина Пробишти Драган Анастасов Ладич.
