Во врска со ниската откупна цена по килограм грозје што ја добиваат лозарите за својот целогодишен труд во јавноста со свој став се обрати Цветан Трипуновски од ВМРО-ДПМНЕ:
“Три години гласно кажуваме дека СДСМ не знае во кој правец ја води државата. Три години економијата тоне, земјоделството е на апарати за дишење, а граѓаните во апатија и разочарување ја напуштаат државата.
Стануваме држава без народ. Лошата економска состојба, погрешните политики и целосната незаинтересираност на власта за народот дојдовме до ова.
1 килограм грозје се продава за 4 денари, ова е срамота! Ова е мизерно!
Заради ова потребни се промени. Државата, народот, целиот социо-економски систем не може ова да го издржи.
Народот сака да оди напред! А СДСМ упорно го заглавува во калта, во едно криминално минато, од кое профитираат само поединци,”
-напиша поранешниот заменик министер за земјоделие шумарство и водостопанство во техничката влада од редовите на ВМРО-ДПМНЕ.
