Православните верници денес традиционално го чествуваат големиот христијански празник кај народот познат како Коледе.
Чествувањето на оваа традиција не изостана ни во Штип, меѓутоа изостана нејзината суштина и начин на одбележување. За прв пат оваа година од новите власти беше забрането да се палат коледарски огнови со образложение дека тие биле главните виновници за загадениот воздух. Меѓутоа и за прв пат оваа година можеше да се забележи градскиот татко Бочварски како со соработниците присуствува на маалска гозба во организација на директорот на штипската гимназија. Така Бочвараки наместо присуство на на коледарски оган и кршење на лепче со бадникова паричка седна на маса полна со сувомеснати и млечни производи. Ваквата трпеза е далеку од посна и уште помалку традиционална. Па со ова отворено се поставува прашањето дали новите власти со ваквите потези полека се откажуваат од црквата и вековните македонски обичаи. Дали со новата власт ќе мора да се почитуваат и нови верски обреди останува да видиме.
За да биде уште поинтригантно ова прашање говори и фактот што оваа гозба се организира во просториите на гимназијата, место во кое се освен образовна дејност е со закон забрането. Па се поставува и прашањето дали директорот кој сака да е миленик на било која власт само да остане директор се става над сите закони и воведува свое безаконие.
