Денес во Штип после повеќе години се одржа коледарска поворка во која учествуваа ученици од повеќе штипски основни училишта. Целта на поворката беше зачувување на вековната традиција и православниот дух во нашиот град. Додека малите коледарчиња чекореа по коледарската патека од граѓаните на Штип беа дарувани со традиционални коледарски дарови.
Малите коледарчиња исто така беа примени и од градоначалникот Благој Бочварски и истиот им подари коледарски пакетчиња.
