Влакно нема да му фали на ниту еден вработен е фразата која ја користеше сега актуелниот градоначалник на Штип, Благој Бочварски. Меѓутоа, оваа девиза како и многу други по се изгледа важеше додека да седне на градоначалничката фотеља.
Дека тоа е така говори фактот што по промената на локалната власт во Штип од страна на Бочварски од работа се избркани над сто работници. Овие работници без никакво објаснување останаа без егзистенција. Меѓутоа Бочварски и неговата администрација брзо го решаваат ваквиот проблем па на местото на избрканите веднаш се примаат партиски подобни послушници кои во многу случаи се несоодветни и нестручни за работното место на кое се вработуваат.
Интересен е фактот што самиот Бочварски упорно молчи и не дава образложение на што се должат ваквите постапки. Бочварски треба да одговори и зошто ја лажеше целата јавност помпезно најавувајќи дека не е тој човек кој што ќе брка луѓе од работа. Ваквите постапки се косат и со нивниот изборен слоган Живот за сите. Па логично се поставува прашањето дали Бочварски и неговата администрација под живот разбираат оставање цели семејства без егзистенција само затоа што не носеле маичка на изборите со неговото име и изборен број. Едно е сигурно не само што ќе им фалат влакна на избрканите од работа сега веќе ќе им фалат и финансиски приходи и вештини за преживување на месеците што престојат.
