Од општинскиот комитет на ВМРО-ДПМНЕ од Кочани ја информираат јавноста и граѓаните дека од петок (12.03.2021 година) во Кочани ќе започне со работа канцеларија за соработка со граѓаните.
Отварањето на канцеларијата свечено ќе биде направено во 11.00 часот кога ќе бидат информирани граѓаните за начинот на кој ќе можат да се обратат до Собранието на Република Македонија преку нивниот пратеник Миле Лефков од Кочани.
“Почитувани медиуми, од утре, 12.03.2021 година( ден петок), започнува со работа Канцеларијата за контакт со граѓаните на пратеникот од редовите на ВМРО ДПМНЕ во Собранието на Република Македонија, г-дин Миле Лефков. „Канцеларии за контакт со граѓаните“ е проект кој Собранието го започна во 2003 година и го реализира со помош на НДИ, УСАИД, ИПД, Швајцарската агенција за развој и соработка и ЗЕЛС. Во секоја отворена канцеларија во општините работи асистент, кој му помага на пратеникот. Преку непосредна комуникација со избраните претставници, граѓаните имаат можност за размена на информации, предлози и сугестии, со цел да се зголеми нивното учество во работата на Собранието. Ве покануваме да присуствувате на отворањео утре во 11:00ч. со што и преку медиумите ќе ги запознаеме нашите граѓаните за начинот на комуникација со законодавниот дом и за можноста за давање сугестии и предлози!
Локација: ул.”Раде Кратовче” бр.1 во бараката веднаш до зградата на Општина Кочани.”
-соопштуваат од ОК на ВМРО-ДПМНЕ Кочани.
