Според неодамна објавените резултати на анкетата на невладината МЦМС за перцепцијата за успешноста на градоначалниците во Македонија на граѓаните, најдобро стои градоначалникот Митко Јанчев од Кавадарци а втор на листата зад него е градоначалникот на Гостивар Арбен Таравари.
Во врвот на оваа листа на најуспешни градоначалници според анкетата на МЦМС не се најде ниту еден од градоначалниците од Брегалничкиот регион кои со исклучок на Зрновци целосно се од редовите на владеачката СДСМ.
Изненадувачки е како градоначалникот на Делчево Горан Трајковски од Делчево не се најде во врвот на оваа листа на најдобар градоначалник, со оглед на големиот рејтинг што го има на социјалните мрежи од неговите поддржувачи.
За рејтингот на делчевскиот градоначалник реагираа и од подмладокот на опозициската ВМРО-ДПМНЕ во Делчево.
Во продолжение го пренесуваме фејсбук статусот на УМС на ВМРО-ДПМНЕ Делчево:
“#Правда за Горан Трајковски.
Од сатирично-смешни причини не ја признаваме оваа анкета на МЦМС, затоа што сметаме дека испуштиле неколку критериуми во оценувањето на нашиот најдобар, најуспешен, најспособен, најизградил, највработил, најуспешно спроведувал тендери, најмногу го терал јавното претпријатие да работи без најмногу проекти и со најпрецизно финансиско покритие….
По што ли ја ценеле работава на делчевскиот градоначалник Трајковски во оваа анкета не е познато, но сигурно не ги прашувале неколкумината негови приврзаници, тие да им кажат колку Горан Трајковски е НАЈ, НАЈ…
Ај па повеќе среќа со вистински прашања на некоја наредна анкета- на онаа на локалните избори кон крајот на годината…(например)
ТЕКСТОТ Е АВТОРСКИ ОБИД ДА СЕ ВОЗДИГНЕ ЛИКОТ И ДЕЛОТО НА ГОРАН ТРАЈКОВСКИ ВО УСЛОВИ НА НЕПОСТОЕЊЕ НА НЕГОВООТО ИМЕ ВО ГОРНИОТ ДЕЛ ОД ТАБЕЛАТА НА РЕЛЕВАНТНА АНКЕТА ОД ПРИЛИЧНО НЕЗАВИСНИ АНКЕТАРИ….”
