Симболиката на оваа туристичка атракција која зад себе крие градителска легенда пренесувана со генерации е длабоко врежана во будистичката култура, религија и верувања на локалното население во Ханој.
Едно столбната пагода од дрвени елементи е поставена на еден столб во центарот на проточен базен во квадратна форма кој е исполнет со цветови од лотус. Самата градба во основа гледано од птичја перспектива има форма и сомболизира цвет на лотус кој изникнува од водата и претставува впечатлива туристичка атракција за секој посетител на Ханој во Виетнам.
Оваа навидум градежнички невозможна скелетна структура опстојува нешто помалку од 1000 години. Овој духовен храм е изграден од императорот Ли Таи Тонг од Династијата Ли.
Дрвената скелетна структура со платформи е поставена на единствен камен столб многу често народот на Виетнам ја користат за симбол на Ханои од едни дамнешни времиња кои сведочат да големата цивилизациска колевка која егзистира со векови на овој простор во Азија. Храмот е посветен на будистичкиот Бог Кван Ам со легенда која се раскажува со генерации за оваа впечатлива градба. Имено според кажувањето на локалните жители, оваа едностолбна пагода е изградена одкако императорот кој немал свој наследник сонувал сон во кој натприродното суштество Аволокитешвара му подарува син донесен на свет од лотус. Императорот Ли Таи Тонг наредил да се изгради оваа пагода во форма на цвет од лотус, кое цвеќе е исто така симбол за просветлување во будистичката религија.
Локалните жители го прифатиле овој духовен храм како свој во кој одавале почести на богот Гван Ам во чест на просперитетниот живот кој го имале.
Храмот бил миниран и урнат во 1955 година од страна на француските колонијалистички власти, по што бил возобновен во денешниот изглед.
