Крушата е средноевропско овошје, кое најмногу се одгледува во Европа, Северна Америка и Азија. Најпознати производители на круши се Италија, САД и Кина.
Крушите со својата мека и помалку зрнеста текстура и бело кремава срцевина во минатото се нарекувале дар од боговите. Иако нивната типична сезона е од август до октомври поради сезонските варијации кај различните видови на круши тие можат
да се најдат свежи преку целата година. Крушите се вкусно и хранливо овошје на кое
единствено нешто што му недостига е вишокот калории. Исклучително богата е со растителни влакна, кои ја претвораат во идеален сојузник на секоја диета, а исто така го намалуваат и високото ниво на холестерол,што е исклучително добра вест за луѓето изложени на ризик од атеросклероза ,срцеви болести и дијабетес. Расте на различни почви но со доволно хранливи материи.
Антиоксидансот глутатион, кој се наоѓа во крушите, позитивно деjствува врз намалувањето на крвниот притисок, а го намалува и ризикот од појава на мозочен удар. Уште еден антиоксиданс од крушите – кверцетин, помага во превенцијата на рак.
Во традиционалната медицина крушите уште многу одамна се користат за лекување на простатитис, кој е една од најчестите уролошки дијагнози на мажи помлади од 50 години. Чајот од листови од круша придонесува за исфрлање камен и песок од бубрезите и ја олеснува елиминацијата на бактериите од уринарниот тракт, а дејствува и врз воспалението на зглобовите.
Крушите помагаат против кашлица и треска. Варени и печени круши се користат за лекување на бронхитис.
Eдна круша со средна големина(160мг) содржи: само 100 калории, 6 грама растителни влакна, или 24% од препорачаната дневна доза за внес на растителни влакна. Имајте на ум дека голем дел од нив се наоѓа во лушпата, па затоа јадете ги со лушпа.
7 милиграми или 10% од дневните потреби за витамин Ц, 190мг или 5 % од препорачаната дневна доза за внес на калиум. Oд останати витамини и минерали во крушата по високата застапеност ги издвојуваме и витаминот Е, витаминот К, витаминот Б2 (рибофлавин), бакарот, манганот и магнезиумот.
